სამშენებლო კომპანია „ჯითი ინვესტი“ქ.თბილისი გურამიშვილის გამზირი N28 - ში, აშენებს მრავალფუნქციურ საცხოვრობელ კომპლექსს. შენობა (საცხოვრებელი, კომერციული) არის 12 სართულიანი. მიწის დონის ქვეშ განთავსებულია ავტოსადგომი 26 ავტომანქანაზე, ხოლო ზემოთ ღია ნიშნულზე 17 ავტომანქანაზე (მათ შორის 2 შეზღუდული შესაძლებლობის მქონე პირისთვის). მე-2 სართულიდან მე-12 სართულამდე განთავსებულია საცხოვრებელი ბინები.
შენობის სტრუქტურა წარმოადგენს საძირკვლის გაძლიერებული ბეტონის ფილაზე დაფუძნებულ სტრუქტურულ ჩარჩოს, რომელიც შედგება გაძლიერებული ბეტონის სვეტებისაგან, კოჭებისაგან, სართულშუა გადახურვის ფილისაგან, კიბის სტრუქტურა შედგება გაძლიერებული ბეტონისგან, კედლის შემავსებლად გამოყენებულია საკედლე ბლოკი (20х40х20), საიზოლაციო ფენა, ქივშა-ცემენტის ლესვა, ჰიდროიზოლაცია.
შენობის ფასადის მოპირკეთება გადაწყვეტილია: კერამიკული აგურის ფილით, ბუნებრივი ტრავერტინის ქვით, ხელოვნური გრანიტის ფილით და შეიღებება მაღალი ხარისხის „კაპაროლი“-ს ფირმის საღებავით.
შენობა გადაიხურება ბრტყელი სახურავით, გადახურვის ფილაზე მოეწყობა საიზოლაციო ფენა, ჰიდროსაიზოლაციო მემბრანა და ბიტუმის საიზოლაციო ფენილი.
საპროექტო ტერიტორიის შესასვლელთან მოეწყობა 2 სახანძრო ჰიდრანტი. შენობა ასევე აღიჭურვება ავტომატური სახანძრო-საგანგაშო სისტემით, რაშიც იგულისხმება კვამლაღმომჩენი და ცეცხლაღმომჩენი სისტემები. კომპანია „ჯითი ინვესტი“ გთავაზობთ ნამდვილ ე.წ. „თეთრ კარკასს“, რომელშიც გათვალისწინებულია შემოსასვლელი რკინის კარები, მეტალოპლასტმასის ვიტრაჟები, ბლოკით ამოყვანილი ტიხრები (დამკვეთის სურვილისამებრ), ელექტრო გაყვანილობა, წყალკანალიზაციის და ვენტილაციის დგარები, გაზმომარაგების დგარიდან შიდაგანაწილება, იატაკის მოჭიმვა, კედლების შელესვა.
საცხოვრებელი სახლი შედგება 2 სადარბაზოსგან ერთმანეთთან დამაკავშირებელი დერეფნით, ორი ლიფტით და კიბით, რომელიც გამოიყენება ავტოსადგომიდან ბინის ბოლო სართულამდე. ბინების ჭერის სიმაღლე ბინის მზა მდგომარეობაში 3 მეტრია. ყველა საცხოვრებელ ფართს ექნება საზაფხულო ფართები 4 კვ.მ-დან 12 კვადრატამდე. ყველა ბინა განათებულია სამხრეთ-აღმოსავლეთის მხრიდან.
შესაძლებელია ბინების გაერთიანება ან დაყოფა (მინიმალური ფართი 46 კვ.მ., ხოლო მაქსიმალური ფართი სურვილის მიხედვით) მათი თავისუფალი დაგეგმარებით ვიტრაჟების ღიობის გათვალისწინებით.
თქვენი სურვილის შემთხვევაში, თქვენივე გამოვნებით არჩეული ინტერიერის გათვალისწინებით შესრულდება რემონტი.
ჩვენს მობინადრეებს სახლი ჩაბარდებათ შემდეგ მდგომარეობაში:
შენობის ფასადი მოპირკეთებული, გალესილი და შეღებილი;
სადარბაზო გალესილი და შეღებილი;
კეთილმოწყობილი მიმდებარე ტერიტორია;
სრულყოფილი სახურავი;
შენობაში დამონტაჟებული და ჩართული ლიფტები;
მშენებლობა დაწყებულია 2019 წლის 20 მარტიდან, დღესდღეობით დასრულებულია საძირკველი და მიმდინარეობს კარკასის მონტაჟი. მშენებლობის დასრულების ვადა განისაზღვრება 2021 წლის აპირლი-მაისისათვის.
პროექტის უპირატესობები:
სახლი მდებარეობს წყნარ და საცხოვრებლად კომფორტულ ადგილას, ემიჯნება გამწვანებული ზონა, ტერიტორია გახსნილია სივრცით, აქვს ლამაზი ხედი რომელიც გადაყურებს ქალაქს. მოსახერხებელია საზოგადოებრივი ტრანსპორტისთვის, სახლიდან 100 მეტრში არის მეტროსადგური „ღრმაღელე“. სახლს ესაზღვრება ნაძვნარის პარკი, განათების ორიენტაცია აქვს აღმოსავლეთ- სამხრეთის მხრიდან. საცხოვრებლად არის მოსახერხებელი, რადგანაც სახლი მდებარეობს გურამიშვილის გამზირის ცენტრალური საავტომობილო გზის პირველ ზოლში, საიდანაც გადაადგილება თანაბრად კომფორტულია მტკვის მარცხენა სანაპიროს, ვაგზლის მოედნის და თბილისის ზღვის (აეროპორტის) მიმართულებით, როგორც კერძო ასევე საზოგადოებრივი ტრანსპორტით. ამასთანავე ახლოს მდებარეობს, საჯარო და კერძო სკოლები, ბაღი, საავადმყოფო, პოლიცია, მაღაზია და სავაჭრო ცენტრები.
